ئەنجومەنى کۆلێجى پەرستاری

زانکۆى سلێمانى

 (نەخشە بڕیار)

     ئەنجومەنى کۆلێجى پەرستاری لە زانکۆى سلێمانى تایبەت بە ڕێنماییەکانى هەڵسەنگاندنى کۆتایی بۆ ساڵى خوێندنى (٢٠١٩-٢٠٢٠)  ژمارە (١٨) لە ڕێکەوتى (٣١/٥/٢٠٢٠)، هاتوو لە کۆبوونەوەى ئەنجومەنى وەزارەتى خوێندنى باڵا و توێژینەوەى زانستى – ژمارە (٨)ى نائاسایی لە ڕێکەوتى (٢٦/٥/٢٠٢٠)، بەم شێوەیەى لاى خوارەوە نەخشە بڕیارى خۆی دا:

خوێندکارانی خۆشەویست ئاگاداردەکەینەوە، بۆ وەرگرتنی هەر زانیارییەک پێویستە چاودێریی پەیجی کۆلێج یان بەشەکانیان ( کلاسەکانی گۆگڵ تایبەت بە ووانەکانیان) بکەن و زانیاریی رەسمی لەو سەرچاوانەوە وەربگرن، بەپێچەوانەوە خۆیان بەرپرس دەبن لە وەرگرتنی زانیاریی ناڕاست.

1- پێویستە خوێندکاران،  ئیمەیڵی زانکۆیان (تایبەت بە خوێندکار کە بۆی دروست کراوە و لەلایەن بەشەکانەوە بۆیان نێردراوە) ئەکتیڤ بکەن و ئاگاداری ئەو خشتەی هەڵسەنگاندنە بن کە لەلایەن بەشەکانیانەوە بۆیان ڕاگەیەنراوە، تا لەکاتی خۆیدا بتوانن داواکاریی هەڵسەنگاندنی وانەکانیان وەربگرن و کاتیان بە فیڕۆ نەڕوات.

2- دەبێت خوێندکاران پابەندی ئەو کاتانە  بن کە بۆیان دیاری  کراوە بۆ گەڕاندنەوەی وەڵامی هەڵسەنگاندن و ڕاپۆرتەکان، بەپێچەوانەوە وەڵامەکە وەرناگیرێت و خوێندکار بە کەوتوو دادەنرێت.

3- ئەو نمرانەی کە خوێندکار بەدەستی هێناوە لە تاقیکردنەوە "تیۆری یان پراکتیکی" یان کویز یان هەر کۆششێکی تر لە کاتی وەرگرتنی وانەکان لە ناو کەمپەس یان بە ئەلەکترۆنی، بۆی ئەژمار دەکرێت و ڕادەگەیەنرێت لە پەیجی فەرمی بەشەکانیان ( کلاسەکانی گۆگڵ تایبەت بەو ووانەیە ) و دو ڕۆژ مۆڵەتیان هەیە بۆ تانە گرتن.

4- وەڵامی هەڵسەنگاندنەکان و ڕاپۆرتەکان پێویستە بە بێ دانانی هیچ هێما و ئیشارەتێک کە داواکراو نەبێت بگەڕێنرێتەوە بۆ ئەو ئیمەیڵەی ( کەلەلایەن بەشەکانەوە بۆ خوێندکاران نێردراوە بۆ ئەم مەبەستە) لێوەی هاتووە نەک ئیمەیڵی مامۆستای وانەکە، بەپێچەوانەوە وەڵامەکە وەرناگیرێت و خوێندکار بە کەوتوو دادەنرێت.

5-  پێویستە سەرجەم ڕاپۆرتەکان بە کۆمپیوتەر نوسرا بێت و بە فۆرماتی PDF  بنێرێت بۆ لیژنەی تاقیکردنەوەکان لەڕێگەی ئە و ئیمەڵەی کە نێردراوە بۆ خوێندکاران و لە هەموو گۆگڵ کلاسەکانیشدا دادەنرێت

6- وەڵامی هەر ڕاپۆرت و هەڵسەنگاندنێک لە یەک بچێت تا ڕادەیەکی زۆر لە دەقی نووسینەکەدا کە "مامۆستای وانەکە ڕێژەکە دیاری دەکات" دوور دەخرێتەوە و ئەژمار ناکرێت و خوێندکاریش هیچ نمرەیەک وەرناگرێت لەو وانەیە و بە کەوتوو دادەنرێت.

7- خوێندکارانی قۆناغی چوارەم پێویستە تا ئێستا هەموو توێژینەوەکانی دەرچون تەواو کرابێت و پێشکەشی بەشەکان کرابێت ، ئەگەر هەر خوێندکارێک تەواوی نەکردبێت پێویستە تا ڕۆژی دوو شەممە ڕێکەوتی ٨ / ٦ / ٢٠٢٠ بە ئیمەیڵ بینێرێت بۆ سەرپەرشتیارەکەی بۆ ئەوەی پێشکەشی بەشەکەی بکات،  بە پێچەوانەوە دوای ئەو بەروارە هیچ توێژینەویەک وەرناگیرێت و خوێندکار بە کەوتوو هەژمار دەکرێت

8- ئەو خوێندکارانەی وانەی عبوریان هەیە و ئەو خوێندکارانەی  لە 100% تاقیکردنەوە ئەنجام دەدەن، هەڵسەنگاندنیان لەسەر 100 دەبێت. ئەو خوێندکارانە دەبێت دڵنیا بن لە ئێستاوە کە ئیمەیڵەکانیان بدەن بە سەرۆکایەتی بەشەکانیان بەمەبەستی ناردنی زانیاری هەڵسەنگاندن و ڕاپۆرتەکان.

٩. ئەو خوێندکارانەی وانەی بارکراوون بە ووانەیەک یان زیاتر (تحمیلیان هەیە) و دەوامیان کردوە مامەڵەی خوێندکارانی هاوپۆلەکانیان لەگەڵ دەکرێت و بەشدار دەبن لە ڕاپۆرت کردن ، بەشە زانستیەکان ئەم بڕگەیە ڕێکدەخەن.

بۆ خوێندکارانی قۆناغی یەکەم ( پرۆسێسی بۆڵۆنیا):

   ١- سەرجەم وانەکانی سێمیستەری دووەم دوادەخرێت بۆ سەرەتای ساڵی خوێندنی ٢٠٢٠-٢٠٢١  وە یان ساڵانی دواتر  و ھیچ ھەڵسەنگاندنی بۆ ناکرێت  و ەئەو  چەند ووانەیەی کە بە ئەلکترونی خوێندراون بۆیان ھەژمار دەکرێت و سەرەتای ساڵی خوێندنی  داهاتوو  سێمیستەرەکە تەواو دەکەن، ئەم بابەتە ڕێنمایی بۆ دەردەچێت.

٢- ھەڵسەنگاندن بە شێوەی ڕاپۆرت یان شێوازی تر تەنھا بۆ سێمیستەری یەکەمە و ئەو خوێندکارانە دەگرێتەوە کە نمرەکانیان لە نێوان «٤٠-٤٩ »    ئەو خوێندکارانەی کەمتریان ھەیە دەکەونە خوولی دووەم

تێبینى: ئەم نەخشەبڕیارە بەهۆى بڵاوبوونەوەى ڤایرۆسى کۆرۆنا لە هەرێمى کوردستان، تەنها بۆ ساڵى خوێندنى

(٢٠١٩-٢٠٢٠) بۆ مەبەستى تەواوکرنى خوێندن جێبەجێ دەکرێت.

بۆ یەکەمجار لەسەر ئاستی هەرێمی کوردستان زانکۆی سلێمانی وەک یەکەم زانکۆ توانی ماددەی ڤی تی ئێم  ئاماده‌ بكات کە لەپشکنینی توشبوانی 

کۆرۆنادا بەکاردێت.

ئەمڕۆ 27 ی مارسی 2020 سەرۆکی زانکۆی سلێمانی پڕۆفیسۆری یاریدەدەر دکتۆر رەزا حەسەن لە کۆنگرەیەکی رۆژنامەنووسیدا ڕایگەیاند:کە ئەوان وەک زانکۆی سلێمانی خۆیان بەخۆشحاڵ دەزانن کە توانییان بۆ یەکەمجار لەسەر ئاستی هەرێمی کوردستان ماددەی ڤی تی ئێم  ئاماده‌ بکەن ،کە ماددەیەک بۆ پارێزگاری کردنی ئەو سامپڵانەی لەنەخۆشەکان وەردەگیرێت بەکاردێت.

سەرۆکی زانکۆی سلێمانی باسی لەوەش کرد کە بەهەوڵی مامۆستا بەڕێزەکانی زانکۆی سلێمانی توانرا نزیکەی 1500 سامپڵ کە بۆ 1500 نەخۆش بەکاردێت ڕادەستی بەڕێوبەرایەتی گشتی تەندروستی سلێمانی بکەن، وتیشی ئەو سامپڵانە لەسەر ستانداردی جیهانی ئاماده‌ كراون.

هەر لەو کۆنگرە ڕۆژنامەنوسیەدا سەرۆکی زانکۆی سلێمانی وتی وەک زانکۆی سلێمانی لەهەوڵداین بۆ دروستکردنی مەوادی پاکەرەوە کە ئەویش بە هاوکاری و هەماهەنگی ڕێکخراوی مرۆیی مام ئەنجامی دەدەین.

دکتۆر سەباح هەورامی بەڕێوبەری گشتی تەندروستی سلێمانی هەموو ئەو هەوڵانەی زانکۆی سلێمانی بەرز نرخاند و ووتی زۆر سوپاسی زانکۆی سلێمانی و دەزگای مرۆیی مام دەکەین کە هەستاون بە دروستکردنی ئە و ماددەیە کە لەچەند ڕۆژی ڕابردودا بەهۆی کەمی ماددەکەوە کێشەیەکی زۆرمان هەبوو،کە نەک هەر ئێمە بەڵکو لەجیهانیشدا بەهۆی نەبوونیەوە ئەزمەیەکی زۆری لەسەرە، وتیشی له‌ ئێستادا ئێمە سودێکی زۆری لێدەبینین.